Liga de Tenis do Morrazo

Xunto co Torneo Nodosa, trátase da competición máis lonxeva das organizadas polo Club de Tenis de Cangas, indo xa pola XXIX edición, a piques de celebrar este ano 2021.

Sendo un Torneo que se desenvolve ao longo de seis meses, de outubro a finais de marzo, aglutina a unha gran cantidade de xogadoras e xogadores repartidos nos diferentes grupos que conforman a primeira fase do torneo tipo liga.

Xa na segunda fase, os grupos organízanse segundo a clasificación obtida na primeira fase, o que dota de gran emoción á competición a medida que se achega o resultado final.

E como non podía ser doutro xeito, o Torneo conta cun socio colaborador que ven participando nos eventos do club desde fai algún tempo: a empresa Marport,  aportando o seu apoio e colaboración á promoción do tenis entre todos os amigos e amigas deste deporte.